|
|
KOLABORASHON KU:
Child First Foundation |
Kolaborashon ku Child First Foundation:
Adventure Kids Curaçao Foundation ta kontentu di informá komunidat ku for di kuminsamentu di e aña aki, nos a drenta den un kolaborashon ku Child First Foundation Curaçao. E kolaborashon aki ta basá riba un meta komún: kontribuí na e bienestar, desaroyo i oportunidatnan di e muchanan i famianan di Kòrsou i e bario di Buena Vista i bisendario.
Den e kolaborashon aki, tur dos organisashon ta traha for di e mesun edifisio, loke ta fasilitá komunikashon, kordinashon i referensia di servisionan kaminda esaki ta nesesario. Esaki ta permití ku nos por sirbi e komunidat di un manera mas efikas i kompleto.
Ta importante pa klarifiká ku e kolaborashon aki no ta nifiká ku Adventure Kids Curaçao Foundation i Child First Foundation a bira un solo organisashon. Kada organisashon ta mantené su propio identidat, direktiva, maneho i kapasidat pa tuma desishonnan independiente. També, kada organisashon ta responsabel pa su propio maneho finansiero, presupuesto, kontratonan i obligashonnan.
Child First Foundation ta enfoká prinsipalmente riba protekshon, guia i sosten di mucha i famia. E fundashon ta traha pa mehorá e bienestar di muchanan dor di programa di sosten familiar, guia soshal, orientashon i intervenshon kaminda esaki ta nesesario. Nan trabou ta pone e interes i seguridat di e mucha na promé luga, promoviendo un ambiente salú i sigur pa kresementu. Pa Child First Foundation e ròl di tin un tata den e yu su bida ta na promé lugá!
Adventure Kids Curaçao Foundation, pa otro banda, ta enfoká riba desaroyo integral di mucha i hóbennan dor di programa edukativo, rekreativo, sosial i deportivo. Nos ta ofresé guia di tarea, aktividatnan kreativo i edukativo, Summer camp, programa di liderato i otro oportunidatnan ku ta stimulá e desaroyo kognitivo, emosional i sosial di e mucha.
E punto kaminda nos ta topa otro ta den nos kompromiso pa:
Nos ta gradisí komunidat i tur nos partnernan pa nan konfiansa kontinuo, i nos ta mira ku entusiasmo na e resultado positivo ku e kolaborashon aki lo trese.
Den e kolaborashon aki, tur dos organisashon ta traha for di e mesun edifisio, loke ta fasilitá komunikashon, kordinashon i referensia di servisionan kaminda esaki ta nesesario. Esaki ta permití ku nos por sirbi e komunidat di un manera mas efikas i kompleto.
Ta importante pa klarifiká ku e kolaborashon aki no ta nifiká ku Adventure Kids Curaçao Foundation i Child First Foundation a bira un solo organisashon. Kada organisashon ta mantené su propio identidat, direktiva, maneho i kapasidat pa tuma desishonnan independiente. També, kada organisashon ta responsabel pa su propio maneho finansiero, presupuesto, kontratonan i obligashonnan.
Child First Foundation ta enfoká prinsipalmente riba protekshon, guia i sosten di mucha i famia. E fundashon ta traha pa mehorá e bienestar di muchanan dor di programa di sosten familiar, guia soshal, orientashon i intervenshon kaminda esaki ta nesesario. Nan trabou ta pone e interes i seguridat di e mucha na promé luga, promoviendo un ambiente salú i sigur pa kresementu. Pa Child First Foundation e ròl di tin un tata den e yu su bida ta na promé lugá!
Adventure Kids Curaçao Foundation, pa otro banda, ta enfoká riba desaroyo integral di mucha i hóbennan dor di programa edukativo, rekreativo, sosial i deportivo. Nos ta ofresé guia di tarea, aktividatnan kreativo i edukativo, Summer camp, programa di liderato i otro oportunidatnan ku ta stimulá e desaroyo kognitivo, emosional i sosial di e mucha.
E punto kaminda nos ta topa otro ta den nos kompromiso pa:
- Promové bienestar i desaroyo di muchanan.
- Fortalesé famianan i komunidatnan.
- Krea oportunidatnan pa kresementu personal i edukativo.
- Identifiká i responde na nesesidatnan di muchanan den nos komunidat.
- Traha den interes superior di e mucha.
Nos ta gradisí komunidat i tur nos partnernan pa nan konfiansa kontinuo, i nos ta mira ku entusiasmo na e resultado positivo ku e kolaborashon aki lo trese.
|
Nos adrès nobo:Manhattanweg 6A, Buena Vista
Curaçao 📍Pegá ku Kolegio Nechi Pieters |
